ყველაზე დიდი საავტომობილო ფესტივალი გელოდება 6 ივლისს, რუსთავის საერთაშორისო ავტოდრომზე, არ აქვს მნიშვნელობა დრიფტი უფრო გიზიდავს თუ წრიული რბოლა, აქ ყველაფერი იქნება !
რუსთავის ავტოდრომის „მოკლე წრეზე, ესებში“ რვა, წინასწარ შერჩეული, უძლიერესი დრიფტერი დაუპირისპირდება ერთმანეთს. შეჯიბრი გაიმართება TOP8 Double Elimination პრინციპით, რაც ნიშნავს, რომ ყველა მონაწილეს ექნება „ერთი სიცოცხლე“ და პირველ წაგებაზე არ გამოეთიშება ბრძოლას, მონაწილეები ამ პრინციპით, უფრო თავისუფლად დადიან და უფრო მაგარ გარბენებს გვაჩვენებენ, მაყურებელს კი, გული არ დაწყდება როდესაც მისი საყვარელი დრიფტერი პირველ შეცდომას დაუშვებს !
იგივე მონაკვეთზე, გაიმართება „უცნაური წრიული რბოლა“ სადაც მონაწილეობა თავისუფალია, კვალიფიკაციის შედეგად შეირჩევა 16 საუკეთესო დროის მქონე მრბოლელი და დაუპირისპირდებიან ერთმანეთს raceX SHOWDOWN - ში, სადაც 16 მონაწილე დაიყოფა 4 ჯგუფად, ირბბოლებენ 4 წრეს და პირველი ორი მონაწილე გადავა სუპერ ფინალში!
სუპერ ფინალი შედგება ორი რბოლისგან, პირველ ნაწილში 8 მონაწილე განლაგდება კვალიფიკაციის დროების მიხედვით, სუპერ ფინალის მეორე რბოლაში კი, პირველი რბოლის შედეგების რევერსი იქნება, რაც ნიშნავს რომ, პირველ რბოლაში, პირველ ადგილზე გასული მრბოლელი დადგება მე-8 პოზიციაზე, მეორე ადგილზე გასული - მეშვიდე და ა.შ. „უცნაური წრიული რბოლის“ გამარჯვებული გამოვლინდება ორივე სუპერფინალში დაგროვილი ქულების ჯამით;
არ აქვს მნიშვნელობა ავტოსპორტის რა სახეობა გიყვარს, 6 ივლისს ნებისმიერი ავტომოყვარული გაერთობა!
გახსნა - 14:00 სადაც 30 წუთით, ნებისმიერ მაყურებელს შეუძლია შევიდეს სარბოლო მონაკვეთზე და დაათვალიეროს სპორტული ავტომობილები, გადაიღოს სურათები საყვარელ მრბოლელებთან, შემდეგ ავიდეს ტრიბუნაზე და ისიამოვნოს ძალიან მაგარი, უწყვეტი რბოლებით !
ადგილზე იქნება კვება და გამაგრილებელი სასმელები;
ბილეთების შეძენა შეგიძლიათ TKT.GE - ზე;
raceX – ის მიზანია გააერთიანოს ყველა ავტომოყვარული, დრიფტიდან, წრიული რბოლიდან, აღმართის დაძლევიდან თუ უბრალოდ ქუჩიდან. drifter - ის გუნდს სურს, ყველას შეახსენოს, რომ ავტოსპორტი სახალისოა, გავატაროთ ერთი, კარგი, სახალისო დღე ერთად, რუსთავის საერთაშორისო ავტოდრომზე !
